Hvorki gengur né rekur að koma æfingaflugi úr Vatnsmýrinni Jakob Bjarnar og Hólmfríður Gísladóttir skrifa 4. maí 2023 16:12 Tekist var á um nýlega skýrslu starfshóps um áhrif nýrrar fjögurra þúsunda manna byggðar í nýja Skerjafirði á flugvöllinn í Vatnsmýrinni. Þegar á leið kom á daginn til hvers refirnir voru skornir og upp blossaði áratugalöng deila um hvort flugvöllurinn ætti að fara eða vera. vísir/vilhelm Enn var tekist á um flugvöllinn í Vatnsmýrinni að þessu sinni í frísklegum umræðum í Pallborði Vísis og Stöðvar 2. Þar mættust þeir Pawel Bartoszek, varaborgarfulltrúi Viðreisnar, og Njáll Trausti Friðbertsson, þingmaður Sjálfstæðisflokksins og fóru yfir þetta sígilda hitamál. Njáll Trausti er stofnandi samtakanna „Hjartað í Vatnsmýrinni“ og hefur áratugum saman talað fyrir því að flugvöllurinn í miðri Reykjavíkurborg fari hvergi. Pawel hins vegar er þeirrar skoðunar að flugvöllurinn fari enda liggi fyrir ákvörðun þess efnis og allt skipulag borgarinnar grundvallist á þeirri staðreynd. Ekki bæði hægt að éta kökuna og eiga Innviðaráðuneytið og Reykjavíkurborg hafa tekið ákvörðun um að hefjast skuli handa við jarðvegsframkvæmdir og undirbúning uppbyggingar í Nýja-Skerjafirði. Ákvörðunin er tekin á grundvelli niðurstöðu starfshóps sem ráðherra skipaði til að meta áhrif byggðarinnar á flug- og rekstraröryggi Reykjavíkurflugvallar. Sitt sýnist hverjum um niðurstöður hópsins og ákvörðun ráðherra og borgaryfirvalda en í skýrslu starfshópsins segir meðal annars að byggðin muni að óbreyttu þrengja að og skerða nothæfi flugvallarins. Pawel Bartoszek og Njáll Trausti Friðbertsson eru ekki skoðanabræður um hvað gera beri við flugvöllinn í Vatnsmýrinni. Njáll Trausti sagði að fyrir lægju veðurgögn sem hefðu ekki verið rýnd og rannsaka þyrfti betur og það tæki í það minnsta tólf mánuði að vinna úr þeim. Pawel taldi einsýnt að enn væri reynt að þæfa málin. Og Njáll Trausti mætti ekki bæði vera sótillur út í skýrsluna og nota hana til málstað sínum til framdráttar. Nú ætti að koma í veg fyrir að fjögur þúsunda manna byggð risi til að tefja mál í von um að flugvöllurinn færi hvergi. „Finnst þér það hafa gengið vel?“ Umræðurnar voru harðar og hitnuðu eftir því sem á þáttinn leið. Náll Trausti sagðist vera að hugsa um heildarhag landsins alls, flugöryggi, sjúkraflug og samgöngur almennt þar sem Reykjavíkurflugvöllur væri hryggjarstykkið. Skýrslan hefur í dag og í gær verið til grundvallar umræðu sem nú fer fram og í Pallborðinu sem Hólmfríður Gísladóttir fréttamaður stýrði. Hún spurði þegar liðið var á þáttinn hvort þetta snerist ekki, þegar allt kæmi til alls, um nákvæmlega þetta; áratugalanga deilu um hvort flugvöllurinn ætti að vera eða fara? Pawel sagðist vilja vera heiðarlegur með það, hann hafi alltaf verið tilbúinn til að skoða og rýna. „En við erum nú búin að gera það í tvo áratugi. Það er alltaf sagt, getum við ekki aðeins beðið og skoðað lengur. Það kemur einhvern tíma að því að við þurfum að taka ákvörðun.“ Og ákvörðunin lægi fyrir. Pawel sagði að þarna þyrfti að fara fram uppbygging og 2013 hafi verið undirritað samkomulag þess efnis, milli ríkis og borgar, þar um. „Þú ert ekkert sáttur við það samkomulag, ég veit það en það er líka hluti af samkomulaginu sem þarf að virða. Við gerðum líka samkomulag um það að æfinga- og kennsluflug færi annað. Ég veit að þú ert ekki hrifinn af því. En hefur ríkið gert mikið í því að efna sinn hluta af því samkomulagi? Segir fólk hafa verið blekkt með kosningunum 2001 Njáll Trausti vildi meina í því sambandi að menn hafi viljað afvegaleiða umræðuna. Þegar kosið var um hvort völlurinn ætti að fara eða vera 2001 hafi verið áskilið að 75 prósenta kosningaþáttaka þyrfti að vera svo niðurstaðan væri bindandi. Þátttakan reyndist tæplega 40 prósent. Þó flugvöllurinn hafi með verið kosinn burtu af borgarbúum þá voru margir sem ekki mættu til kosninga af því að þeir vildu ekki að 75 prósenta markinu yrði náð. Njáll Trausti segir nú fyrirliggjandi gögn sem þurfi að skoða miklu betur, í það minnsta í tólf mánuði, áður en tekin verður ákvörðun um hvort byggðin skaði flugöryggi á Reykjavíkurflugvelli.vísir/vilhelm „Fullt af fólki tók ekki þátt í kosningunni því það vildi ekki að það færi upp í þetta bindandi sem var ákveðið 75 prósent,“ sagði Njáll Trausti. Hann hélt því fram að á næsta borgarráðsfundi hafi leikreglunum verið breytt og ákveðið að það væri meirihluti fyrir þessu. „Söguskoðunin er þannig að fólk heldur almennt að staðið hafi verið við leikreglurnar 2001.“ Pawel benti á að síðan hafi verið kosið í fimm til sex skipti í Reykjavík og það hefði verið hægt að breyta því. Niðurstaðan væri sú að þessi stefna væri Reykvíkingum ekki svo á móti skapi. Hann sagði Njál Trausta ítrekað leggja það til á þingi að skipulagsvaldið væri tekið af Reykjavík svo festa mætti flugvöllinn í Vatnsmýrinni. Ekki að Reykvíkingar mættu sjálfir ákveða þetta. Njáll ítrekaði að hann væri að hugsa um hag landsins alls, mikilvæga innviði og þetta væri grunnurinn að innanlandsfluginu, sjúkrafluginu, almannavarnakerfinu og þetta væri varaflugvöllur. „Þetta snýst um heildarhagsmuni þjóðar í stóru samhengi.“ Af hverju vill varaborgarfulltrúi kennsluflugið úr Reykjavík? Njáll Trausti sagðist sérfróður um þessi mál og hefði helgað sig þeim undanfarin þrjátíu ár. Og hann væri að reyna að kynna fólki flugrekstrarlegar staðreyndir. „Til að þessum málum verði ekki glatað í einhverja þvælu.“ Pawel spurði Njál Trausta hver hans afstaða væri til þess hvort kennslu- og æfingaflug í Vatnsmýrinni væri og af hverju það væri ekki farið. Njáll Trausti vildi ekki svara því á annan veg en þann að spyrja á móti: Af hverju Pawel vildi að það færi?vísir/vilhelm Pawel endurtók það sem hann hafði áður nefnt um æfinga- og kennsluflugið að það ætti að fara hið fyrsta og spurði Njál Trausta hvort hann væri sammála því hvort sá þáttur flugsins ætti að fara? Njáli Trausta vafðist tunga um tönn og vildi snúa uppá spurninguna. „Ég sé ekki hvað er málið? Ég bý nú í Vesturbænum. Hver er truflunin? Nú er að koma rafmagnsflug hérna. Af hverju er svona mikilvægt fyrir Pawel Bartoszek, varaborgarfulltrúa að kennsluflugið fari úr Reykjavík? Það er meira að segja búið að panta rafmagnsflugvélar.“ Pawel lýsti þá þeirri skoðun sinni að honum teldi að það væri betur komið annars staðar þar sem það ætti meiri vaxtarmöguleika. En þetta með æfingaflugið hafi nú bara verið nefnt til dæmis um þann hnút sem þetta mál virðist fast í. Reykjavík Alþingi Ríkisstjórn Katrínar Jakobsdóttur Fréttir af flugi Pallborðið Reykjavíkurflugvöllur Skipulag Tengdar fréttir Þingmenn og sveitarstjórnarfulltrúar Framsóknar sameinaðir í afstöðu sinni Þingflokkur Framsóknar og sveitarstjórnarfulltrúar hafa sent frá sér sameiginlega yfirlýsingu þar sem þeir ítreka þá afstöðu sína að það eigi ekki að rísa byggð í Vatnsmýrinni sem hefur áhrif á flug- og rekstraröryggi Reykjavíkurflugvallar. 4. maí 2023 08:27 Sakar Orra um að hlaupa frá skýrslunni Einar Þorsteinsson, formaður borgarráðs, segir Orra Eiríksson, fulltrúa atvinnuflugmanna í starfshópi innviðaráðherra um Reykjavíkurflugvöll, hlaupa frá niðurstöðunni. Ekki sé sanngjarnt að gera lítið úr skýrslu starfshópsins. 3. maí 2023 19:00 Segir þetta bara einn nagla í kistu Reykjavíkurflugvallar Sú ákvörðun innviðaráðherra og borgarstjóra að hefja uppbyggingu í Nýja Skerjafirði skerðir notagildi Reykjavíkurflugvallar og er einn naglinn í kistu vallarins, að mati talsmanns Félags íslenskra atvinnuflugmanna. Borgarstjóri segir að þarna rísi eftirsótt hverfi samkvæmt verðlaunaskipulagi. 27. apríl 2023 22:12 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Sindri Freyr er látinn Innlent Voru látin í einhvern tíma áður en lögregla fór inn Innlent Biður kvikmyndagerðarmanninn afsökunar Innlent Tvö látin en ekkert bendi til saknæms atburðar Innlent Mótor bátsins var of stór og mennirnir ekki í björgunarvestum Innlent „Okkar hlutverk að halda utan um hvert annað“ Innlent Áfengi og fíkniefni mældust í stýrimanninum Innlent Vill kvittanir frá framboði Höllu Innlent Lögregla rannsakar andlát í Bolungarvík Innlent Áhyggjur læknanna ótímabærar og byggðar á misskilningi Innlent Fleiri fréttir „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Slökkvilið kallað út vegna sprenginga í Hafnarfirði Lögregla rannsakar andlát í Bolungarvík Vill kvittanir frá framboði Höllu Baráttan um Bessastaði gæti orðið gífurlega spennandi Háspennubilun í Breiðholti Gæti haft gríðarlega þýðingu fyrir Ísafjörð Tafir á Miklubraut í sumar vegna framkvæmda Sjá meira
Njáll Trausti er stofnandi samtakanna „Hjartað í Vatnsmýrinni“ og hefur áratugum saman talað fyrir því að flugvöllurinn í miðri Reykjavíkurborg fari hvergi. Pawel hins vegar er þeirrar skoðunar að flugvöllurinn fari enda liggi fyrir ákvörðun þess efnis og allt skipulag borgarinnar grundvallist á þeirri staðreynd. Ekki bæði hægt að éta kökuna og eiga Innviðaráðuneytið og Reykjavíkurborg hafa tekið ákvörðun um að hefjast skuli handa við jarðvegsframkvæmdir og undirbúning uppbyggingar í Nýja-Skerjafirði. Ákvörðunin er tekin á grundvelli niðurstöðu starfshóps sem ráðherra skipaði til að meta áhrif byggðarinnar á flug- og rekstraröryggi Reykjavíkurflugvallar. Sitt sýnist hverjum um niðurstöður hópsins og ákvörðun ráðherra og borgaryfirvalda en í skýrslu starfshópsins segir meðal annars að byggðin muni að óbreyttu þrengja að og skerða nothæfi flugvallarins. Pawel Bartoszek og Njáll Trausti Friðbertsson eru ekki skoðanabræður um hvað gera beri við flugvöllinn í Vatnsmýrinni. Njáll Trausti sagði að fyrir lægju veðurgögn sem hefðu ekki verið rýnd og rannsaka þyrfti betur og það tæki í það minnsta tólf mánuði að vinna úr þeim. Pawel taldi einsýnt að enn væri reynt að þæfa málin. Og Njáll Trausti mætti ekki bæði vera sótillur út í skýrsluna og nota hana til málstað sínum til framdráttar. Nú ætti að koma í veg fyrir að fjögur þúsunda manna byggð risi til að tefja mál í von um að flugvöllurinn færi hvergi. „Finnst þér það hafa gengið vel?“ Umræðurnar voru harðar og hitnuðu eftir því sem á þáttinn leið. Náll Trausti sagðist vera að hugsa um heildarhag landsins alls, flugöryggi, sjúkraflug og samgöngur almennt þar sem Reykjavíkurflugvöllur væri hryggjarstykkið. Skýrslan hefur í dag og í gær verið til grundvallar umræðu sem nú fer fram og í Pallborðinu sem Hólmfríður Gísladóttir fréttamaður stýrði. Hún spurði þegar liðið var á þáttinn hvort þetta snerist ekki, þegar allt kæmi til alls, um nákvæmlega þetta; áratugalanga deilu um hvort flugvöllurinn ætti að vera eða fara? Pawel sagðist vilja vera heiðarlegur með það, hann hafi alltaf verið tilbúinn til að skoða og rýna. „En við erum nú búin að gera það í tvo áratugi. Það er alltaf sagt, getum við ekki aðeins beðið og skoðað lengur. Það kemur einhvern tíma að því að við þurfum að taka ákvörðun.“ Og ákvörðunin lægi fyrir. Pawel sagði að þarna þyrfti að fara fram uppbygging og 2013 hafi verið undirritað samkomulag þess efnis, milli ríkis og borgar, þar um. „Þú ert ekkert sáttur við það samkomulag, ég veit það en það er líka hluti af samkomulaginu sem þarf að virða. Við gerðum líka samkomulag um það að æfinga- og kennsluflug færi annað. Ég veit að þú ert ekki hrifinn af því. En hefur ríkið gert mikið í því að efna sinn hluta af því samkomulagi? Segir fólk hafa verið blekkt með kosningunum 2001 Njáll Trausti vildi meina í því sambandi að menn hafi viljað afvegaleiða umræðuna. Þegar kosið var um hvort völlurinn ætti að fara eða vera 2001 hafi verið áskilið að 75 prósenta kosningaþáttaka þyrfti að vera svo niðurstaðan væri bindandi. Þátttakan reyndist tæplega 40 prósent. Þó flugvöllurinn hafi með verið kosinn burtu af borgarbúum þá voru margir sem ekki mættu til kosninga af því að þeir vildu ekki að 75 prósenta markinu yrði náð. Njáll Trausti segir nú fyrirliggjandi gögn sem þurfi að skoða miklu betur, í það minnsta í tólf mánuði, áður en tekin verður ákvörðun um hvort byggðin skaði flugöryggi á Reykjavíkurflugvelli.vísir/vilhelm „Fullt af fólki tók ekki þátt í kosningunni því það vildi ekki að það færi upp í þetta bindandi sem var ákveðið 75 prósent,“ sagði Njáll Trausti. Hann hélt því fram að á næsta borgarráðsfundi hafi leikreglunum verið breytt og ákveðið að það væri meirihluti fyrir þessu. „Söguskoðunin er þannig að fólk heldur almennt að staðið hafi verið við leikreglurnar 2001.“ Pawel benti á að síðan hafi verið kosið í fimm til sex skipti í Reykjavík og það hefði verið hægt að breyta því. Niðurstaðan væri sú að þessi stefna væri Reykvíkingum ekki svo á móti skapi. Hann sagði Njál Trausta ítrekað leggja það til á þingi að skipulagsvaldið væri tekið af Reykjavík svo festa mætti flugvöllinn í Vatnsmýrinni. Ekki að Reykvíkingar mættu sjálfir ákveða þetta. Njáll ítrekaði að hann væri að hugsa um hag landsins alls, mikilvæga innviði og þetta væri grunnurinn að innanlandsfluginu, sjúkrafluginu, almannavarnakerfinu og þetta væri varaflugvöllur. „Þetta snýst um heildarhagsmuni þjóðar í stóru samhengi.“ Af hverju vill varaborgarfulltrúi kennsluflugið úr Reykjavík? Njáll Trausti sagðist sérfróður um þessi mál og hefði helgað sig þeim undanfarin þrjátíu ár. Og hann væri að reyna að kynna fólki flugrekstrarlegar staðreyndir. „Til að þessum málum verði ekki glatað í einhverja þvælu.“ Pawel spurði Njál Trausta hver hans afstaða væri til þess hvort kennslu- og æfingaflug í Vatnsmýrinni væri og af hverju það væri ekki farið. Njáll Trausti vildi ekki svara því á annan veg en þann að spyrja á móti: Af hverju Pawel vildi að það færi?vísir/vilhelm Pawel endurtók það sem hann hafði áður nefnt um æfinga- og kennsluflugið að það ætti að fara hið fyrsta og spurði Njál Trausta hvort hann væri sammála því hvort sá þáttur flugsins ætti að fara? Njáli Trausta vafðist tunga um tönn og vildi snúa uppá spurninguna. „Ég sé ekki hvað er málið? Ég bý nú í Vesturbænum. Hver er truflunin? Nú er að koma rafmagnsflug hérna. Af hverju er svona mikilvægt fyrir Pawel Bartoszek, varaborgarfulltrúa að kennsluflugið fari úr Reykjavík? Það er meira að segja búið að panta rafmagnsflugvélar.“ Pawel lýsti þá þeirri skoðun sinni að honum teldi að það væri betur komið annars staðar þar sem það ætti meiri vaxtarmöguleika. En þetta með æfingaflugið hafi nú bara verið nefnt til dæmis um þann hnút sem þetta mál virðist fast í.
Reykjavík Alþingi Ríkisstjórn Katrínar Jakobsdóttur Fréttir af flugi Pallborðið Reykjavíkurflugvöllur Skipulag Tengdar fréttir Þingmenn og sveitarstjórnarfulltrúar Framsóknar sameinaðir í afstöðu sinni Þingflokkur Framsóknar og sveitarstjórnarfulltrúar hafa sent frá sér sameiginlega yfirlýsingu þar sem þeir ítreka þá afstöðu sína að það eigi ekki að rísa byggð í Vatnsmýrinni sem hefur áhrif á flug- og rekstraröryggi Reykjavíkurflugvallar. 4. maí 2023 08:27 Sakar Orra um að hlaupa frá skýrslunni Einar Þorsteinsson, formaður borgarráðs, segir Orra Eiríksson, fulltrúa atvinnuflugmanna í starfshópi innviðaráðherra um Reykjavíkurflugvöll, hlaupa frá niðurstöðunni. Ekki sé sanngjarnt að gera lítið úr skýrslu starfshópsins. 3. maí 2023 19:00 Segir þetta bara einn nagla í kistu Reykjavíkurflugvallar Sú ákvörðun innviðaráðherra og borgarstjóra að hefja uppbyggingu í Nýja Skerjafirði skerðir notagildi Reykjavíkurflugvallar og er einn naglinn í kistu vallarins, að mati talsmanns Félags íslenskra atvinnuflugmanna. Borgarstjóri segir að þarna rísi eftirsótt hverfi samkvæmt verðlaunaskipulagi. 27. apríl 2023 22:12 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Sindri Freyr er látinn Innlent Voru látin í einhvern tíma áður en lögregla fór inn Innlent Biður kvikmyndagerðarmanninn afsökunar Innlent Tvö látin en ekkert bendi til saknæms atburðar Innlent Mótor bátsins var of stór og mennirnir ekki í björgunarvestum Innlent „Okkar hlutverk að halda utan um hvert annað“ Innlent Áfengi og fíkniefni mældust í stýrimanninum Innlent Vill kvittanir frá framboði Höllu Innlent Lögregla rannsakar andlát í Bolungarvík Innlent Áhyggjur læknanna ótímabærar og byggðar á misskilningi Innlent Fleiri fréttir „Fyrirvarinn var í rauninni enginn“ Fyrstu tölur frá Reykjavík ættu að gefa góða mynd af úrslitum „Er búinn að blokka 237 manneskjur á tíu dögum“ Katrín græði stórum á vangetu kjósenda til að kjósa taktískt Andlát í Bolungarvík og forsetaefni í slorinu Héraðsdómur ruddur vegna fjölskyldutengsla og fyrri starfa dómara Áfengi og fíkniefni mældust í stýrimanninum Tvíburafolöld mætt í heiminn í Suðurnesjabæ Ferðafólki bjargað úr sjálfheldu við Þiðriksvallavatn Þriðjungur þekkir ekki neitt til Eiríks og Viktors Sindri Freyr er látinn Voru látin í einhvern tíma áður en lögregla fór inn Vill sjá leiðtoga á Norðurlöndunum en ekki aumingja og gungur Mótor bátsins var of stór og mennirnir ekki í björgunarvestum Óttast að þvingun og nauðung verði færð í lög Andlát til rannsóknar í Bolungarvík Áhyggjur læknanna ótímabærar og byggðar á misskilningi Ástandið í Hafnarfirði geti haft langvarandi áhrif á börn „Okkar hlutverk að halda utan um hvert annað“ Ræddu lokasprett æsispennandi kosningabaráttu Biður kvikmyndagerðarmanninn afsökunar Tvö látin en ekkert bendi til saknæms atburðar Enginn í haldi í tengslum við mannslát í Bolungarvík Slökkvilið kallað út vegna sprenginga í Hafnarfirði Lögregla rannsakar andlát í Bolungarvík Vill kvittanir frá framboði Höllu Baráttan um Bessastaði gæti orðið gífurlega spennandi Háspennubilun í Breiðholti Gæti haft gríðarlega þýðingu fyrir Ísafjörð Tafir á Miklubraut í sumar vegna framkvæmda Sjá meira
Þingmenn og sveitarstjórnarfulltrúar Framsóknar sameinaðir í afstöðu sinni Þingflokkur Framsóknar og sveitarstjórnarfulltrúar hafa sent frá sér sameiginlega yfirlýsingu þar sem þeir ítreka þá afstöðu sína að það eigi ekki að rísa byggð í Vatnsmýrinni sem hefur áhrif á flug- og rekstraröryggi Reykjavíkurflugvallar. 4. maí 2023 08:27
Sakar Orra um að hlaupa frá skýrslunni Einar Þorsteinsson, formaður borgarráðs, segir Orra Eiríksson, fulltrúa atvinnuflugmanna í starfshópi innviðaráðherra um Reykjavíkurflugvöll, hlaupa frá niðurstöðunni. Ekki sé sanngjarnt að gera lítið úr skýrslu starfshópsins. 3. maí 2023 19:00
Segir þetta bara einn nagla í kistu Reykjavíkurflugvallar Sú ákvörðun innviðaráðherra og borgarstjóra að hefja uppbyggingu í Nýja Skerjafirði skerðir notagildi Reykjavíkurflugvallar og er einn naglinn í kistu vallarins, að mati talsmanns Félags íslenskra atvinnuflugmanna. Borgarstjóri segir að þarna rísi eftirsótt hverfi samkvæmt verðlaunaskipulagi. 27. apríl 2023 22:12